Қанака пылесосни олганингиз маъқул?
Чанг ютгичлар ҳар хил бўлади: яхшилари ҳам, ёмонлари ҳам учраб туради. Ҳаммаси уларнинг маркаси ва нархига боғлиқ. Иш кўрсаткичларига қараб оладиган бўлсак, менимча, сифат ва нарх борасида қопли чанг ютгичлар колбали чанг ютгичларга нисбатан яхшироқ.
Колбали чанг ютгичларнинг афзалликлари нимада?
1) Улар тез тозаланади.
2) Колба шаффоф бўлгани учун у ерга бирор бир керакли буюм тушиб қолса, вақтида пайқаб қоласиз.
Камчиликлари:
1) Колбали чанг ютгични қоплига қараганда тез-тез тозалаб туриш зарур (ҳар бир уй тозалашдан сўнг, ҳаттоки ундан ҳам кўпроқ.
2) Фильтрни алмаштириб бўлмайди, уни эҳтиётлаб тозалаш керак;
3) Бир қанча вақтдан сўнг чанг ютгичнинг сўриш қуввати фильтрнинг ифлосланиши сабабли камаяди.
Қопли чанг ютгичларнинг афзалликлари нимада?
1) Чанг ютгич қопини бир нечта уй тозалашдан кейин тўкса бўлади;
2) Қопини янгисига алмаштириш мумкин, улар бозорларда сотилади;
3) Қопни алмаштиргандан сўнг сўриш қуввати, аввалгиси билан бир хил, яъни электр энергияси, вақтингиз ва кучингиз тежалади. Унинг камчиликлари ҳақида гапирсак, у битта: қопини тозалаш бир мунча нохуш иш (чангнинг қўлларга юқиши, нафас йўлларига кириши ва ш.к.)
Юқоридагилардан келиб чиққан ҳолда, мен қопли чанг ютгичга овоз бераман (ахир, уларни бекорга шу вақтгача ишлаб чиқаришмаяптику, жуда қиммат турлари ҳам бор – уларни тозалаш ҳам осонроқ, балки)
Gismeteo