Квартира сотиб олишни қандай қилиб тӯғри амалга ошириш мумкин

Квартиранинг  тузилиши, хоналарнинг жойлашиш тартиби, деразадан кӯринадиган манзара  сизга ёқди деб тахмин қиламиз. Энди деворларни ички томондан, хоналарнинг бурчакларини, дераза откослари(ёни)ни диққат  билан текшириб чиқамиз – уларда моғор ва қора доғлар бӯлмаслиги керак ( бу ҳолат меҳмонлар келишидан олдин тозалаб ювилган ёки пайдо бӯлаётган замбуруғдан далолат беради). Маълум бӯлишича, моғорни йӯқотишдан кӯра олдини олган яхшироқ.

Шунингдек, шифт ва деворларни кӯздан кечираётганда кӯринган сариқ рангдаги из ва доғлар, юқори қаватдаги қӯшниларни вақти – вақти билан сув бостириб туришлари тӯғрисида чиройли изоҳ беради. Агар квартира юқори(устки) қаватда жойлашган бӯлса айнан шу доғлар томнинг ишончсиз эканлиги ва ундан сув(чакка) ӯтишини билдиради.

Кӯпроқ тинчлик ва хотиржамликни истаганлар учун  квартира муюлиш(бурчак)да жойлашган бӯлса бу ҳатто яхши – қӯшнилар ҳам камроқ бӯлади, шовқин ҳам камроқ эшитилади. Лекин иккинчи томондан, квартирани зах ва моғор босиш эҳтимоли юқори бӯлади, шунингдек муюлиш(бурчак)да жойлашган квартиралар уй ӯртасидагиларга нисбатан одатда совуқроқ бӯлади. Муаммоли квартираларда, баъзида шунчаки кӯчага қараган деворнинг ёнига бориб унга кафтингизни қӯйсангиз - ҳатто иситиш мавсумида ҳам бу деворлар нам тортган ва совуқ бӯлади.

Cӯнгра ошхона, ванна(ҳаммом) ва ҳожатхонага ӯтиш мумкин, кранни бураб сувни оқизинг, канализация(қувур) яхши тортяптими, тиқилиб қолмаганми шуни кӯринг. Сместительдан сув оқаётганлигига эътибор бермасангиз ҳам бӯлади, бошқа хонадонга кӯчиб кираётганда ҳар бир уй эгаси  кӯп ҳолларда уйни капитал таъмирлайди.

Ундан кейин пол ва эшикларга қараймиз. Шак – шубҳасиз таъмирланган квартиралар янги уй эгаларини ортиқча уринишлардан халос этадилар. Лекин, иккинчи томондан эса доимо янги уй эгаси квартирани ӯз тассавуридек шинам ва қулай қилиб тузатишга ҳаракат қилади, шунинг учун кӯп ҳолларда  янги квартира ҳеч бӯлмаганда косметик таъмирланади. Агар эшик ва пол қопламалари таъмир талаб бӯлмаса, унда улар қайси аҳволда эканлигига эътибор қаратинг, балки эшиклар ёпилмайди ёки тирқишлари каттадир. Бироқ, тӯғрисини айтганда келгусидаги шахсий квартирангизни танлашда бундай арзимаган нарсаларга аҳамият бермаса ҳам бӯлаверади.

Квартира танлашда нималарга эътибор қаратиш керак?

Квартира сотиб олиш: янада кӯпроқ деталларга эътибор қаратамиз.

Ичини тӯлиқ ӯрганиб бӯлганимиздан кейин, янада глобал(чуқурроқ) текширишга ӯтса ҳам бӯлаверади.

Квартира сотиб олаётганимизда кейинги эътиборни - бу уйнинг деворлари нимадан қилинганлигига қаратишимиз керак бӯлади. Агар у ғиштдан қурилган бӯлса яхшироқдир, шунингдек деворлари қуйма монолитдан тайёрланган монолитли уйлар ҳам пухта, мустаҳкам ҳисобланади. Бу уйларнинг деворини кӯз чамалаб аниқлаш қийинроқ бӯлади, айниқса квартира капитал таъмирдан чиққан ва ундаги шифт ва деворлар текисланган бӯлса. Лекин, умуман олганда монолит уйларнинг девори мутлақо чоксиз бӯлади.

Кейин эса том бостирма нимадан қилинганини билиб олишга эринманг, ёғочданми ёки бетондан. Бу маълумотни бинонинг қурилган йили билан бирга квартиранинг техник паспортидан билиб олиш мумкин. Умуман олганда қурилган бино мустаҳкам бӯлса, у яна 50 – 100 йил туриб беради.

Квартира сотиб олаётганда нималарга эътибор бериш керак? 

Янада кӯпроқ маълумотни уй олдидаги скамейкада ӯтирган қӯшни кампирлардан билиб олиш мумкин. У квартирада ким яшайди ва ким пропискадан ӯтган (балки у уйда, унча узоқ бӯлмаган жойларда муддатини ӯтаётган одам рӯйхатдан ӯтгандир), чироқ, сув, иссиқлик тез-тез ӯчиб туриши мумкин, умуман айтганда бу квартира муаммоли эмасмикин?

Менинг омадсиз бир танишларим бор, кӯп қаватли уйнинг биринчи қаватида турадилар, бу уйнинг канализация қувури ҳавас қилгудек мунтазам равишда шундай тиқилади – ки, канализация ичидаги бор нарсалар ҳаттоки меҳмонхонада ҳам сузиб юраверади. Сиз, шундай квартирада яшашни истармидингиз? Ӯйлайман-ки йӯқ.

 Нима яхши  - эски уйми ёки янги қурилган?

Квартира сотиб олаётганда нимага эътибор бериш керак?

Турган гапки янги уй эскисидан кӯра яхшироқ, у кӯпроқ туради, одатда янги қурилган уйдаги квартиранинг сарф-ҳаражатлари ҳам камроқ бӯлади. Бундай квартирада демонтаж қилинмайди, барча коммуникациялар янги, уларни ҳам алмаштиришни кераги йӯқ. Баъзида янги уйлар эркин  тузилма (планировка) билан сотилади, уларда фақат ички ва кӯтариб турувчи деворлар, ҳаммом(ванна), ҳожатхона бӯлади, қолган барча хоналарни хоҳлаганингиздек планини тузишингиз мумкин. Янги уйдан турар жой  сотиб олишнинг бошқа афзалликларини ҳам кӯрсатиб ӯтамиз – бу аввалги эгаларининг йӯқлиги, шунинг учун квартиранинг тарихини текширмаса ҳам бӯлади, шунингдек воситачи ва риэлторларга уйнинг баҳосидан белгиланган улуш берилмайди.

Квартирани қай йӯсинда танлаш мумкин?

Бундай ютуқнинг салбий томонлари ҳам бор, масалан объектни топшириш муддати номаълум вақтга сурилиши ёки иморат солувчи шахснинг банкротга учраши сабабли музлатилиши ҳам мумкин. Одам турмаган(нообод) жойдан квартира  сотиб олиб, инфратузилмаси ривожланмаган кварталда яшашга таваккал қилишдан олдин ӯйлаб кӯринг, қаердан харид қиласиз, ёнингизда мактаб ва болалар боғчаси борми.

Таъмирлашга келадиган бӯлсак биринчидан биринчи икки – уч йил мобайнида уй киришмагунча квартирани тӯлиқ таъмирлай олмайсиз, иккинчидан барча қӯшнилар биринчидан то охирги қаватгача бир неча йиллар давомида шовқинли қурилиш ишларини ҳатто дам олиш кунлари ҳам олиб борадилар(бажарадилар).

Квартира сотиб олишда ҳужжатларни расмийлаштириш тартиби: нималарга эътибор бериш керак

Квартира сотиб олишда қайси ҳужжатларни текшириш керак.

Квартира  сотиб олиш вақтида уй эгаларининг сочида бир нечта оқ толалар пайдо бӯлиши сабаби, ҳар ҳолда бу жараён бир мунча асабийлашиш ва куч сарфлаш билан боғлиқдир. Келинг квартира сотиб олишда қайси ҳужжатларни текшириш керак эканлигини кӯриб чиқамиз. Турар жойга эгалик қилиш ҳуқуқини берувчи гувоҳномани кӯздан кечириб, эгалик қилувчининг исми, фамилияси ва отасининг исмини унинг паспорти билан солиштириб кӯрилади. Кейин эса олди – сотти шартномасини ёки ҳадя(тортиқ) қилиш шартномасини текшириш мумкин (бир умрлик парваришлаш, меросга эгалик қилиш тӯғрисидаги гувоҳнома). Айнан ана шу ҳужжатлар кӯчмас мулкка эгалик қилиш ҳуқуқини беради.

Кейин эса турар – жой коммунал хизмати корхонаси(ЖЭК)дан олинган оила таркиби тӯғрисидаги  маълумотномани кӯринг, унда ҳозирги кунда шу квартирада рӯйхатда турган  ва квартирага эгалик қилувчи шахслар кӯрсатилган бӯлади. Коммунал хизматлардан қарздорлик йӯқлиги тӯғрисидаги тӯлов чеклари ва маълумотномалар ҳам  бундан мустасно эмас. Умуман олганда квартира сотиб олаётганда ҳуқуқшуносларга мурожаат қилган яхшироқ, улардан барча саволларга чуқурроқ жавоб оласиз, чунки бу масалада коса - косанинг тагида ним косалар бӯлиши эҳтимолдан ҳоли эмас.

Агар ҳужжатларни текшириш ишлари муваффақиятли ӯтган бӯлса, олди – сотти шартномасини тузса ҳам бӯлади. Квартира сотиб олишни расмийлаштириш тартиби қандай? Олди – сотти битимини тузишга сотиб олувчи нотариуснинг олдига фақат паспорти билан келади, сотувчи эса уйнинг ер-кадастри, шахсий паспорти, коммунал тӯловлар маълумотномалари ва чеклари, квартирада рӯйхатдан ӯтганларнинг мулк олди -  соттисига розилиги ва бошқа барча тегишли ҳужжатларни олиб келади.

Олди – сотти шартномаси тузилгандан кейин квартиранинг янги эгаси кӯчмас мулк ва ер кадастри корхонасига бориб эгалик қилиш ҳуқуқини ӯз номига расмийлаштиради. Кейин барча яшовчилар эгалик қилувчи шахснинг розилиги билан янги манзил бӯйича рӯйхатдан ӯтадилар. Кейин эса арзимаган юмушлар – янги эгалик қилувчи шахс барча коммунал хизматлари корхоналарига бориб квартиранинг шахсий ҳисоб рақамларини ӯз номига қайта расмийлаштиради.

Келажакдаги шахсий квартирани танлаш

Энг  асосий ана шулар эди, квартира сотиб олаётганда нималарга эътибор қаратиш керак. Барчага тушунарли бӯлган турар – жой майдони сотиб олишдек нозик масалалар бӯйича маълумотлар ва ним косаларни ӯрганишдан эринманг. Ва яхшиси бу жараёнга ишбилармон ҳуқуқшуносни жалб қилганингиз маъқул.

Манба: www.domechti.ru/na-chto-obratit-vnimanie...kupke-kvartiry/13941